Në kujtim të Teodor Kekos, nga Syçi

 Në kujtim të Teodor Kekos, nga Syçi

 

TRISHTIMI- Poezi nga Teodor Keko

Trishtimi. Ai vetëm mua më përket!

Iku një vajzë. E desha dhe i thashë shko!

Jeta ime boheme në dy metra katrore vdes.

Vdekja! Ç’fjalë e trishtme dhe e fortë!

Nuk vdes njeri nga dashuri e humbur.

Sidoqoftë, dhimbje ka.

Edhe vdekja në metastaza dhembjesh është strukur,

galopi i tyre baraz me hata.

Po bota jeton. Jeton njeriu.

Me dhembje, dhe më i lumtur.

Unë dua të jetoj.

Ajo, gjithashtu. Dhe iku.

Trishtimi vetëm mua më përket!

Për inat të tij bëhem më i bukur!