Debat i nxehtë në “N’xhiro me Syçin”, Demalia dhe Yzeiri për korrupsionin, drejtësinë dhe arsimin

Në episodin e fundit të emisionit “N’xhiro me Syçin”, moderator Ilir Demalia dhe i ftuari Ilir Yzeiri zhvilluan një diskutim të hapur dhe kritik mbi gjendjen e korrupsionit, drejtësisë dhe arsimit në Shqipëri.

 

Ilir Demalia e përshkroi korrupsionin si një “gangrenë” që po shkatërron administratën dhe shtetin:

 

“Kur unë e kuptoj korrupsionin, është si një lubrifikantë në një farmaci, por më pas bëhet aq i madh saqë kthehet në gangrenë për administratën dhe shërbimet,” tha Demalia.

 

Ai shtoi se korrupsioni dhe mungesa e drejtësisë shfaqen në shumë skandale të mëdha si Grupi i Kërkimeve dhe Gërdeci, duke u shprehur me shqetësim:

 

“Në bulevard janë vrarë njerëz dhe ende nuk ka përgjegjësi. Kjo është e papranueshme dhe duhet të ndëshkohen fajtorët.”

 

Ilir Yzeiri nga ana tjetër foli për përvojat e tij personale me sistemin e drejtësisë dhe për nevojën e reformave thelbësore:

 

“Kam tre vjet që përballem me procese gjyqësore, kjo tregon gjendjen e rëndë të drejtësisë. Reforma duhej të jepte drejtësi, jo të ndëshkonte njerëzit padrejtësisht.”

 

Ai foli për rëndësinë e luftës kundër korrupsionit dhe për risitë teknologjike si digitalizimi që janë bërë në Shqipëri:

 

“Jemi ndër vendet liderë në BE për digitalizimin e shërbimeve, por kjo nuk mjafton nëse nuk luftojmë korrupsionin në rrënjë.”

 

Në lidhje me arsimin, Yzeiri theksoi se problemi është i thellë dhe kërkon reforma që fillojnë që nga kopshti deri në universitet:

 

“Si mund të ndërtojmë shkolla dhe spitale, nëse nuk kemi arsim dhe shëndetësi të mirëfilltë? Ne duhet të pyesim: çfarë fëmijësh do të rrisim nesër?”