Trump: Të marrë fund programi bërthamor i Iranit. Izraeli nuk do ndalet, SHBA do veprojë nëse…

Duke folur për gazetarët në bordin e Air Force One, Presidenti i SHBA-së, Donald Trump, ka deklaruar se dëshiron një fund të vërtetë të programit bërthamor të Iranit, raporton partneri amerikan i BBC-së, CBS.

Trump tha se “nuk kishte thënë që po kërkonte një armëpushim” dhe se dëshiron që Irani të heqë dorë plotësisht nga zhvillimi i kapaciteteve bërthamore.

Ai shtoi gjithashtu se nuk mendon që Izraeli do të ngadalësojë ofensivën e tij kundër Iranit. “Do ta shihni gjatë dy ditëve të ardhshme. Do ta shihni. Askush nuk është ngadalësuar deri tani”, u shpreh ai.

 

Trump gjithashtu premtoi se do të “veprojë ashpër” ndaj Iranit, nëse interesat amerikane në rajon do të goditen.