Genard Hajdini nxjerr “zbuluar” Berishën: Ka marrë katër në fizikë bërthamore

Në emisionin “N’xhiro me Syçin” me Ilir Demalia, i ftuar ishte Genard Hajdini, i cili foli në mënyrë të rrëmujshme dhe abstrakte.

 

Gjatë intervistës, Hajdini komentoi mbi figurën e ish-kryeministrit Sali Berisha, duke i dedikuar një analizë të veçantë. “Sali Berisha? Gjynaf, gjynaf. Ai ka marrë katër në fizikë bërthamore dhe ka ngelur atje,” tha Hajdini, duke theksuar me një dozë të veçantë ironie.

 

Sipas tij, Berisha kishte nisur studimet për mjekësi, por kishte kaluar dy vite fizikë, përfshirë edhe fushën e fizikës bërthamore, një detaj që Hajdini e theksoi me bindje: Në mjekësi ke bombardimet me rreze, gama dhe X. Këto janë thelbësore për mjekësinë”.

 

Në bisedë nuk munguan edhe reflektime për Tropojën, vendlindjen që Demalia e trajtoi me shumë respekt dhe ku ai identifikon burra të shquar dhe histori të forta: “Tropoja ka alame burrash, ka Rexhep Krasniqin, që ka hapur shkollat e para shqipe në Kosovë,” theksoi ai duke u përpjekur të evidentojë rëndësinë historike të këtij rajoni.