Gazeta gjermane, homazh Bujar Bukoshit: Luftëtari i pavarësisë së Kosovës

Gazeta gjermane «tageszeitung» e Berlinit me një përkujtim dinjitoz për kryeministrin e Kosovës, dr. Bujar Bukoshi, shkruar nga gazetari veteran Erich Rathfelder, kronist i historisë së Kosovës që nga fundi i viteve 1980-të.

«Me buzëqeshje kaq miqësore, askush nuk do ta kishte imagjinuar një politikan jashtë sistemit në verën e vitit 1991. Kryeministri i atëhershëm Bujar Bukoshi dhe presidenti i atëhershëm i shtetit paralel kosovar, Ibrahim Rugova, po shpallnin pavarësinë e Kosovës nga Serbia. Një mision i rrezikshëm, pasi forcat serbe të sigurisë nuk bënin shaka. Të martën e kaluar, Bukoshi ndërroi jetë në moshën 78-vjeçare në kryeqytetin e Kosovës, Prishtinë, pas një sëmundjeje të gjatë».

«Bukoshi nuk luftoi kurrë me dredhi apo mashtrime, ai ishte një person i dashur, që synonte të vendoste demokracinë në Kosovë dhe të tregonte se pushteti mund të fitohet edhe me mjete civile. Në një vend që pas të gjitha tronditjeve, politikanëve që kërkonin pushtet me çdo kusht dhe skandaleve korruptive, kishte nevojë të gjente veten, ai krijoi një busull, edhe për kulturën politike – qoftë si zëvendëskryeministër pas shpalljes së pavarësisë në vitin 2008, apo si person privat. Gjatë gjithë viteve, ai ishte për disa gazetarë, si korrespondentin e taz-it, një bashkëbisedues i besueshëm, plot humor dhe mendjemprehtësi».