Ylli Manjani: Shkalafatje e PD-së…

 

Nga Ylli Manjani

 

Shkalafatje…

****

Tani, edhe kjo kërkesa e PD që i bën me tërsëllimë KQZ,”na jepni kopjet e procesverbaleve”, kur komisionerët e tyre kanë qenë prezent dhe i kanë marrë kopjet zyrtare në kohë reale, nuk rri në asnjë llogjikë.

Prandaj u është dhënë e drejta të kenë komisionerë e numërues në zgjedhje, pikërisht për të mos bërë kërkesa të tilla.

KQZ ka shumë të drejtë që sua jep përsëri ato kopje. I KANË MARRË dhe pikë.

Këto kërkesa maksimumi mund ti bëjë partia e Lapajt, Shehajt e Qorrit, që nuk kanë komisionerë, por jo partia e Berishës dhe e Ramës.

Debati nuk është thjesht a kanë të drejtë ligjore ti kërkojnë apo jo, por a kanë fytyrë si fillim?!

Si ka mundësi që një parti e madhe që do të fitojë zgjedhjet nuk organizon dot punën me komisionerët e saj si fillim?!

Si mund të paraqitesh në fazën më të rëndësishme të ankesave me kaos organizativ të brendshëm?! Pse patronazhistët ua morën edhe kopjet e procesverbaleve që i takojnë çdo komisonineri të caktuar nga PD?!

Si mund të besohet se kjo parti do zbërdhejë skemat e komplikuara të manipulimit zgjedhor kur nuk organizon dot punën me njerëzit e saj për të mbledhur dokumentat zyrtare të votimit?!

Për çfarë treni bullgar flasin këta që kanë humbur biletat e udhëtimit?!

Këta praktikisht po delegjitimojnë çdo kërkesë të veten që bëjnë në KQZ, sepse nuk kanë ruajtur dokumentat e votimit! Nuk ankohesh dot pa një referencë në një dokument dreqi e mori.

Absurde! As dritat nuk paguhen pa faturë.

Le që harrova se këta as dritat si paguajnë. Kanë pasë shpenzime të mëdha andej matanë me Lacivita e më the e të thashë…

Kohë e humbur.