Bufin e ka sjellë Ramiz Alia në vitin ’90, Rama e PLAS në studio. Sulo: S’krahasoheni me PD e ’92-it

Një debat i ashpër u zhvillua mbrëmjen e djeshme në emisionin “RePolitix” në Report TV, ku i ftuar ishte Kryeministri Edi Rama. Pjesë e diskutimit ishte edhe gazetari Arion Sulo.

Sulo deklaroi se një nga meritat historike të Sali Berishës është pikërisht fakti që “Bufi” doli në skenë në vitin 1990–1991 si pjesë e një procesi tranzicioni. Rama reagoi menjëherë duke thënë: “Unë po flas për ‘92-shin dhe çfarë rrezikonim në atë kohë.”

Në kundërpërgjigje, Arion Sulo theksoi: “Rrezikonit në ‘90-ën, dhe ke qenë edhe ti me ta.” Rama mohoi, duke thënë se “Bufi nuk ka rrezikuar gjë në ‘90-ën. Bufi ka qenë i dërguar. Bufin e ka sjellë Ramiz Alia.”

Në këtë pikë, debati u tensionua, me Sulon që tha: “Çfarë janë këto broçkulla?”, ndërsa Kryeministri Rama reagoi me të njëjtën gjuhë të fortë: “Broçkull kjo?”