Demaliaj me tone të ashpra: S’ka turp më të madh se të uzurposh pronën e dikujt!

 

Në podkastin N’xhiro” me Syçin u zhvillua një debat i zjarrtë mes Ilir Demaliaj dhe Arlind Qorit për temën e ndërtimit pa leje dhe zaptimit të pronave private, një çështje që vijon të ndezë opinionin publik në Shqipëri.

Demaliaj shprehu shqetësimin për mënyrën kaotike se si janë zhvilluar ndërtimet në vend, sidomos në qytete si Tirana dhe Saranda, ku toka publike dhe private është zaptuar në mënyrë të paligjshme. Ai theksoi se problemi nuk qëndron te ndërtimi vetë, por te mënyra se si është lejuar ky proces, duke u kthyer në precedent të rrezikshëm.

"Unë nuk jam kundër ndërtuesve. Ka ndërtues që kanë kthyer gërmadha në parqe. Por nuk mund të justifikohet shkatërrimi i pronës publike apo private në emër të mbijetesës," tha Demaliaj, duke përmendur rastin e Fish City si shembull pozitiv të zhvillimit urban.