Partizani lëshon sinjalin: Ulje çmimesh për biletat, kërkon tifozët në betejën e Conference League

Partizani ka një mision të qartë të enjten në “Air Albania”: kualifikimin për në raundin e dytë të UEFA Conference League. Pas barazimit 1-1 në Estoni ndaj Nõmme Kalju, gjithçka do të vendoset në sfidën e kthimit në Tiranë.

 

Për të arritur objektivin, klubi i kuq i bën thirrje të hapur tifozëve: Na duheni më shumë se kurrë!

 

Në një përpjekje për të pasur sa më shumë mbështetje në stadium, Partizani ka vendosur të ulë çmimet e biletave – vetëm e vetëm që në tribuna të mos mungojë zemra e kuqe, mbështetja e sinqertë, energjia që mund të bëjë diferencën.

 

 

Kualifikimi është i arritshëm, por vetëm nëse Partizani luan me një “lojtar” më shumë në fushë: tifozin!