Berisha i hutuar nga humbja, ngatërron datën e zgjedhjeve: Farsa e 2 mijë e 11 majit

Kreu i Partisë Demokratike, Sali Berisha, u paraqit sot në SPAK, në zbatim të masës së sigurisë “detyrim paraqitje” për aferën “Partizani”.

 

Gjatë një deklarate për mediat pas daljes nga SPAK, ndërsa sulmoi Altin Dumanin, tërhoqi vëmendje një lapsus, kur iu referua zgjedhjeve parlamentare të 2025-ës si “farsa elektorale e 2 mijë e 11 majit”.

 

“Ju e shihnim, farsa elektorale e 2 mijë e 11 majit ishte krim universal, të gjitha dosjet, të gjitha shkeljet e mëdha ligjore, amnistohen nga njeriu që njoftoi Troplinët të largohen pas urdhrit që erdhi nga Prokuroria Italiane, sepse është një shërbëtor i tyre”, tha Berisha.

 

Ngatërrimi i vitit i shtohet një serie reagimesh të tensionuara nga ana e Berishës pas rezultatit dërrmues që pësoi Partia Demokratike në zgjedhjet e fundit.