“Do sulmojmë bazat amerikane” - Irani njofton vdekjen e më shumë gjeneralëve

Sulmet e Iranit kundër Izraelit do të vazhdojnë, me objektiva që do të zgjerohen për të përfshirë bazat amerikane në rajon në ditët në vijim. Lajmi është bërë i ditur nga agjencia e lajmeve Fars e Iranit, duke cituar zyrtarë të lartë ushtarakë iranianë.

“Ky konfrontim nuk do të përfundojë me veprimet e kufizuara të natës së kaluar dhe sulmet e Iranit do të vazhdojnë, dhe ky veprim do të jetë shumë i dhimbshëm dhe i keqardhur për agresorët", raportoi Fars, duke cituar zyrtarë të lartë ushtarakë. Agresorët do të jenë shënjestra e një përgjigjeje vendimtare dhe në shkallë të gjerë nga ana e Iranit”, raportoi agjencia iraniane e lajmeve Fars.

 

Po ashtu, Irani ka njoftuar vdekjen e dy gjeneralëve të tjerë. Oficerët Gholamresa Mehrabi dhe Mehdi Rabani, dy anëtarë të lartë të Shtabit të Përgjithshëm të Forcave të Armatosura, u vranë në bombardimet izraelite, raportoi radioja shtetërore. Mehrabi shërbeu si zëvendësshef i Departamentit të Inteligjencës në Shtabin e Përgjithshëm, ndërsa Rabani shërbeu si zëvendësshef i operacioneve. Kjo e çon numrin e përgjithshëm të vdekjeve të konfirmuara të gjeneralëve në tetë.

 

Ndërkohë, ekspertët ndërkombëtarë për iranian e interpretuan sulmin e madh izraelit si një përpjekje të qëllimshme për të rrëzuar negociatat bërthamore midis Uashingtonit dhe Teheranit. "Një nga arsyet kryesore për sulmin izraelit ndaj Iranit ishte pikërisht parandalimi i një marrëveshjeje të mundshme midis Iranit dhe SHBA-së", shkroi analisti kritik ndaj qeverisë Sadegh Sibakalam në X, citon media gjermane, Die Welt.

 

Të gjithë ata që duan përmbysjen e Republikës Islamike kanë qenë gjithmonë të shqetësuar për mundësinë e një marrëveshjeje midis Iranit dhe Amerikës. Uashingtoni dhe Teherani kanë negociuar programin bërthamor të diskutueshëm për rreth dy muaj, por kohët e fundit pa përparim. Një raund i ri bisedimesh ishte planifikuar për të dielën.