.png)
Ministri i Shtetit për Marrëdhëniet me Parlamentin, Taulant Balla replikoi sot në seancën plenare të Kuvendit me Sekretarin e Përgjithshëm të Partisë demokratike, Flamur Noka.
Balla u shpreh se, “e kuptoj që
në partinë tuaj ju e keni të vështirë të aplikoni nenin “Basha” edhe pse ishit
zotuar që pas këtyre zgjedhjeve do ta aplikonit dhe e kuptoj shumë mirë
gjithçka që jeni duke bërë, edhe përpjekjen tuaj haluçinante në Komisionin
Qendror të Zgjedhjeve ku çdo ditë po turpëroheni para publikut sesi po bien një
nga një të gjithë pretendimet tuaja”.
“Bëtë gjithë atë zhurmë për
kryeplakun e Pekishtit dhe pastaj kur aty doli që s’kishte asgjë. Pastaj jeni
turrur pas 130 mijë të ashtuquajtura vota”, tha Balla.
Ministri i akuzoi përfaqësuesit
e opozitës se janë turrur pas 130 mijë votave imagjinare.
Balla iu drejtua deputetit
Flamur Noka, duke theksuar se “gjurmimi i votës është vepër penale dhe e
dënueshme,” dhe e sfidoi atë që, nëse ka prova për manipulim të votës, t’i
dorëzojë në Prokurorinë e Posaçme (SPAK).
“Më kishin thënë që e kishte
thënë Flamuri në një studio. Se Flamuri paska futur 500 GPS në zarfa dhe këto
GPS na paskan mbetur në Londër. O Flamur, kjo që thua ti është vepër penale,
sepse identifikimi dhe gjurmimi i votës është vepër penale. Kjo që bën ti është
e dënueshme, dhe nëse ke prova, përse nuk shkon t’i dorëzosh në Prokurorinë e
Posaçme? Shko atje, sepse juridiksioni i përgjithshëm nuk ka kompetencë për
këtë çështje,” deklaroi Balla.
Ai shtoi se opozita po shmang
debatin e brendshëm për humbjen dhe duhet të merret me votat e veta.
“Zgjedhjet kanë përfunduar!
Partia Socialiste e Shqipërisë ka marrë 856.177 vota. Ju keni 529.354 vota,
diku te 300 mijë e kusur më pak. Se ku ju kanë shkuar votat, gjeni ku i keni
votat tuaja”, tha Balla.
No comments:
Post a Comment