Thumbon Kulla: Dorëheqja e Berishës do trishtonte Ramën më shumë se demokratët

Në emisionin “N’xhiro me Syçin”, analisti i sigurisë dhe geopolitikës Ilir Kulla bëri një analizë të ashpër të zhvillimeve politike në Shqipëri, duke e cilësuar këtë fushatë si “më të pakuptimtën që ka parë ndonjëherë”. Sipas tij, procesi i asgjësimit politik të Ilir Metës ka përfunduar, ndërsa opozita aktuale është në një krizë të thellë legjitimiteti dhe drejtimi.

 

“Shifrat flasin vetë. Asgjësimi i Metës nisi që në 2019 dhe u konkretizua pas daljes nga zgjedhjet dhe parlamenti. Sot opozita duhet të kuptojë mesazhin e popullit për ndryshim. Nëse nuk ndërtojnë një pol të tretë, do t’i hajë ujku,” tha Kulla.

 

Duke u ndalur te Berisha, Kulla theksoi se “nëse Berisha do të jepte dorëheqje, më i çuditur do isha unë, por më i mërzituri do ishte Edi Rama.”

 

Ai paralajmëroi për një konsolidim të pushtetit: “Rama do jetë i detyruar të bëjë edhe kryeministrin, edhe kryetarin e partisë, edhe opozitën. Kjo s’është më demokraci, është rrezik për pluralizmin.”