“S’kam çfarë humbas, Berisha duhet të ketë frikë!” — Kara zbulon kërcënimet në politikë

Në emisionin “N’xhiro me Syçin”, Ilir Demalia pyet avokatin Romeo Kara për fatin e partisë së madhe politike, duke kërkuar një parashikim për të ardhmen e saj. Kara nuk shmanget dhe përgjigjet me një analizë të ashpër:

 

“Unë mendoj që o do iki Berisha, o do të ikin këta nga Berisha, por nëse vazhdojnë kështu, Berisha do i marrë me vete.”

 

Avokati i njohur Romeo Kara, i ftuar nga Ilir Demaliaj, rrëfeu me guxim realitetin e hidhur politik shqiptar, duke hedhur dritë mbi frikën, kërcënimet dhe nevojën për një përballje të sinqertë në arenën politike.

 

Ilir Demaliaj filloi duke vënë në dukje sfidat që Romeo ka përballuar prej kohësh. Kara shpjegoi se që nga viti 2016, kur u kthye në skenën publike, është përballur me presione dhe mosbesim, por ai mbetet i vendosur dhe beson fort në bindjet e tij. “Unë i kam bindje, nuk tradhtoj vetveten,” tha ai.

 

Ai denoncoi një psikozë të thellë frike që mbizotëron tek shqiptarët brenda dhe jashtë vendit, duke theksuar se shumë prej tyre nuk guxojnë të shprehen hapur për shkak të kërcënimeve ndaj familjeve të tyre. Një rast konkret u përmend, ku një ish-deputete e PD-së i tregoi se frika nga kërcënimet e bën të heshtë.

 

Romeo Kara kritikon ashpër drejtuesit politikë, përmend Sali Berishën për krimet e supozuara dhe nxjerr në pah korrupsionin e thellë, duke përmendur çështje si Gërdeci dhe vrasjet politike. Ai thekson se politika është më shumë se thjesht aparenca dhe pushtet i përkohshëm; është përballje e vërtetë dhe kërkon guxim dhe integritet.

 

Demaliaj dhe Kara dakorduan se koha për të përballur realitetin është tani. “Jemi lodhur nga këta, nuk kemi çfarë humbim,” tha avokati, duke ftuar për ashpërsim të debatit dhe përballje të sinqertë politike.