“Shkatërrimi i Ushtrisë Shqiptare: A ishte një gabim fatal?” Moisiu flet hapur

Në këtë episod të veçantë të “N’xhiro me Syçin”, Demaliaj fton në një bisedë të thellë dhe reflektuese Ish-Presidentin Alfred Moisiu.  Moisiu flet për rrënjët e tij familjare, me një baba që shërbeu si oficer i Zogut dhe më vonë komandant i parë i Ushtrisë Nacionalçlirimtare.

 Ai ndalet te debati i vazhdueshëm mbi Luftën Nacionalçlirimtare dhe te mënyra se si u trajtua ushtria pas rënies së regjimit komunist. Moisiu shpreh keqardhjen për shkatërrimin e saj dhe thekson se një shtet nuk mund të mbijetojë pa një forcë të organizuar mbrojtëse.

Moisiu ndan kujtime si ministër i Mbrojtjes në vitin 1992, duke kujtuar momentet kritike të atyre viteve dhe përpjekjet për të mbajtur moralin dhe strukturën e ushtrisë në kohë të vështira. Përmes një toni të sinqertë dhe përplot reflektim, episodi jep një pasqyrë të thellë të rolit të ushtrisë në jetën e tij dhe në historinë moderne të Shqipërisë.