Bejko me dorë të hekurt: PD në agoni, me krizë dhe shenja të qarta për fundin

Roland Bejko, analizoi situatën aktuale politike në vend, duke komentuar rëndësinë e liderëve dhe krizën brenda partive kryesore.

 

Bejko theksoi se “në Shqipëri vëlla këta janë mësuar t'i fitojnë nga të tjerët. Edhe ata që shkuan te Saliu e panë që vetëm nuk mund të bënin dot rol udhëheqës. Ishin dembelë, vanitozë dhe shikojnë politikën si një lojë për vete.” Ai kujtoi fillimet e Lulzim Bashës dhe Sali Berishës si figura punëtore, por shtoi: “Rama dhe Saliu janë absolutisht punëtorë të palosur, por pushtetin e kanë patologji. Ai pa pushtet nuk rri dot.”

 

Në lidhje me rezultatin zgjedhor, Bejko deklaroi: “Unë mora 13,000 vota në Bashkinë e Tiranës, ndërsa ata në gjithë qarkun morën rreth 11,000. Për të qenë kryeministër duhet të marrësh shumë më tepër vota, është e tmerrshme kur sheh kush kandidon me kaq pak mbështetje.”

 

Ndërsa Ilir Demalia pyeti për të ardhmen e PD-së dhe mundësinë për një frymë të re, Bejko u shpreh: “Kjo nuk bëhet me urdhër, por me ndjeshmëri. Brenda PD-së ka ende individë që mund të thonë fjalën e tyre, por zërat e rinj shtypen nga grupet që kontrollojnë rrjetet sociale dhe politikën e brendshme. Kjo do ta mbajë PD-në në agoninë e vet.”

 

Ai paralajmëroi se opozita do të vazhdojë bllokimet në Kuvend, por pa përfitime reale, ndërsa “Saliu do të vazhdojë të mbajë narrativën e vjedhjes deri në shtator”.