Roland Bejko: Rama do të fitojë lehtësisht mandatin e pestë nëse hapen negociatat në 2027

Ish-kandidati për kryetar të Bashkisë së Tiranës, Roland Bejko, në emisionin “N'xhiro me Syçin” me Ilir Demaliaj, u shpreh se nëse Shqipërisë i hapen negociatat për anëtarësim në Bashkimin Europian në vitin 2027, kryeministri  Edi Rama do të përfitojë nga kjo për të konsoliduar më tej pushtetin e tij.

 

“Nëse hapen negociatat në 2027 dhe nëse qeverisja korrigjon ato gjëra që nuk arriti më parë, ka të gjitha shanset të rifitojë energjinë dhe të vazhdojë më tej,” tha Bejko.

 

Ai theksoi se Partia Demokratike do të ketë vështirësi në rindërtimin e një platforme politike të re, për shkak të mbështetjes që vijon të ketë Sali Berisha në krye të saj. “PD-ja do të vazhdojë të endet në diskutimin për krijimin e kredos së vetë me Berishën dhe nuk do ta ketë këtë kredo të re politike për të qenë sfidante,” u shpreh ai.

 

Bejko parashikon që zgjedhjet lokale në periudhën pas negociatave do të jenë një fitore e padiskutueshme për Ramën dhe PS-në. “Zgjedhjet e vitit 2029 do të jenë thjesht një formalitet nëse situata në PD mbetet e njëjtë,” përfundoi ai.