Demalia shpërthen ndaj padrejtësisë së legalizuar: Astiri, simbol e rrënimit moral

Në “N’xhiro me Syçin”, Ilir Demalia përballet me Endri Shabanin në një debat që prek plagën më të madhe të tranzicionit shqiptar: uzurpimin e tokës dhe dështimin e shtetit për të mbrojtur të drejtën.

“Nuk justifikoj Ramën,” shpërthen Demalia, “por unë do isha më i pamëshirshëm! Sepse ke hyrë në tokë që s’të takon. Zotit nuk ia luaj dot.” Ai i referohet mijëra ndërtimeve pa leje mbi prona publike e private, të toleruara nga qeveritë për vite me radhë – një padrejtësi e kthyer në praktikë shtetërore.

Demalia godet thellë: “Shteti s’mund të ndërtohet mbi grabitje. Sipas Hammurabit: prona, feja dhe ligji janë shtyllat. Po shkele pronën, ke shembur gjithçka.” Ai përmend Astirin si simbolin e rrënimit moral: “Është kthyer në Kandahar. Dhe këta duan të ndalin autostradën?”