Biletat për ndeshjen Shqipëri-Serbi/ FSHF del me një tjetër njoftim të rëndësishëm

Federata Shqiptare e Futbollit, ka informuar të gjithë anëtarët aktivë të Klubit të Tifozëve që kanë përfituar paketat për sezonin aktual, se për ndeshjen Shqipëri-Serbi, më 7 qershor 2025 nuk është e nevojshme të regjistrohen në formularin për shortin e biletave.

 

Vendin e tyre në stadium e kanë të garantuar dhe do të marrin një link të personalizuar, për të kryer blerjen e biletës brenda periudhës së përcaktuar.

 

FSHF falenderon të gjithë tifozët për mbështetjen e vazhdueshme!