Romeo Kara: Berisha ishte i pari që e ktheu pushtetin në biznes në Shqipëri

Në një deklaratë të drejtpërdrejtë gjatë një interviste N'xhiro me Syçin, juristi Romeo Kara u ndal në figurën e Sali Berishës, duke e cilësuar atë si një nga faktorët kryesorë që kanë penguar funksionimin normal të shtetit ligjor në Shqipëri.

 

"Jo më kot ka dalë ‘non grata’ Berisha dhe unë e kam lexuar gërmë për gërmë si njeri që ka mbajtur peng institucionet, sidomos të drejtësisë në Shqipëri. Ka cënuar sigurinë kombëtare shqiptare, por jo vetëm – edhe atë të SHBA. Ka cënuar kulturën demokratike që ne duhet të ndërtojmë si një popull evropian dhe ka rrezikuar partneritetin me perëndimin – me SHBA dhe BE."

 

Sipas avokatit, shpallja “non grata” nga Departamenti Amerikan i Shtetit është më shumë sesa një akt formal: ajo është pasojë e një analize të thelluar mbi ndikimin negativ të Berishës në institucionet e vendit dhe në marrëdhëniet ndërkombëtare të Shqipërisë.