Mertiri: Shqipëria përballet me një paradoks, mes një të keqeje dhe një më të keqeje

Në podkastin “N’xhiro me Syçin” të Ilir Demalias, analisti Ergys Mertiri dha një panoramë kritike për mënyrën sesi po qeveriset vendi dhe rolin e opozitës në këtë realitet politik. Ai u shpreh se, ndonëse Edi Rama është kryeministri me më shumë mandate dhe me numrin më të madh të ministrave të ndërruar, për qasjen e tij ka rezerva

 

Sipas tij, përballja politike në Shqipëri është kthyer në një paradoks: “Shqiptarët janë mes një të keqeje dhe një më të keqeje. Njëri është i keq, tjetri edhe më i keq. Në këtë logjikë, shumë thonë: më mirë këta që janë, se të paktën i dimë.”

 

Mertiri theksoi gjithashtu se Rama ka ditur të përdorë opozitën e dobët për të forcuar pushtetin e tij. “Fitoreja më e madhe e Ramës është që ka përballë një opozitë të tillë. Ai vetë është investuar që të mbajë Berishën përballë, sepse kjo i jep avantazh të jashtëzakonshëm,” nënvizoi ai.