Pronarë të grabitura, qytetarë jashtë ligjit, Dr. Bimbashi flet për pasojat e viteve ’90

Në një debat të hapur me Ilir Demalin në “N'xhiro me Syçin”, Dr. Astrit Bimbashi diskutoi rëndësinë e vërtetës historike dhe pasojat e manipulimeve që kanë formësuar perceptimet shoqërore në Shqipëri. Ai theksoi se "ka dy qëndrime, fakti është i qartë, por shumë njerëz kanë qëndrime të ndryshme, kryesisht të përcaktuara nga historia e manipuluar."

 

Sipas Bimbashit, "në kohën e pushtimit, njerëzit u vranë, grabitën dhe u dëbuan nga tokat e tyre," por kjo nuk është e mjaftueshme për të kuptuar thelbin e problematikës. Ai shtoi se "qërimi është më i rëndësishëm se sa grupet sociale," duke nënkuptuar nevojën për të reflektuar më thellë mbi historinë e deformuar nga pushteti dhe politika.

 

Doktori theksoi se në Shqipëri ka pasur një "manipulim, stimulim dhe falsifikim të historisë," ndërsa personat që morën pushtetin në vitet ’90, shpesh u përfshinë në grabitjen e pronave, duke krijuar "pronarë të vërtetë të grabitur," ndërsa qytetarët e zakonshëm mbeten jashtë ligjit.

 

Ai kritikoi edhe situatën aktuale mediatike dhe edukative: "Televizionet janë katastrofë, me shumë pak përmbajtje edukative, dhe rinia është duke humbur fantazinë dhe ndërgjegjen." Gjithashtu theksoi rëndësinë e gjuhës dhe kulturës si shtylla të kombit, që sot ndjehen të braktisura.